नेपाली हास्यव्यङ्ग्य अनलाइन पत्रिका

शिवहरि पोखरेल :

लेख्नु पर्छ लेख्दै गरौ भ्रष्टहरूको भ्रष्ट चाल
पर्दाफास गर्नै पर्छ बन्नु पर्छ तिनको काल
जता हेर्‍यो त्यतै भ्रस्ट कस्तो भयो लौन देश
कति मीठा कुरा गर्थ्यौ रेछ तिम्रो यस्तो भेष ।

भुलायौ नि जन्ता धेरै काचुली नै फेर्छौ भनी
नातागोता आफन्तको फेर्‍यौ सबै एकएक गनी
कथा तिम्रा धेरै थिए खायौ धेरै जेलनेल
कालान्तरमा देखियो नि कत्ति गर्दोरेछौ झेल ।

फुर्काएर कार्यकर्ता आफ्नो वशमा पारी हाल्यौ
आधुनिक दास झैँ तिम्ले तिनलाई बनाइहाल्यौ
बलिया छौ अहिले तिमी मोटा दासले घेरियाछौ
सारङ्गी झैँ तिम्रो पेट थ्यो अहिले कत्ति फेरियाछौ ।

जनता र देशलाई दियौ तिम्ले अति धेरै धोका
समय छ बलवान बन्छौ छिट्टै पानी फोका
सहदैन जनता अब अत्याचार धेरै भयो
तिम्रो भर पर्दापर्दै समय आज धेरै गयो ।

०००
काठमाडौं, हाल अमेरिका