नेपाली हास्यव्यङ्ग्य अनलाइन पत्रिका

गणेश शर्मा पौडेल ‘चन्दन’ :

अघाई खायौ राजश्व थुती ऊसँग दसी छ
तैनाथ राख नजरभित्र बाँधने रसी छ ।

तराजुभित्र रोबर राख जाँचने कसी छ
भ्रष्टको ज्वाला निभाई दिने कलम मसी छ ।

अन्तर मन निर्मल हुन्न भ्रष्ट ती जनको
अचल हुन्न ओकल्नु पर्छ भ्रष्ट ती धनको ।

भ्रष्टका निम्ति भ्रष्ट नै राम्रो फलने डाली छ
फूलझै टिपी मालामा उन्ने आफन्त माली छ ।

नामेट पारौं भ्रष्टका जरा गडेको तल छ
हरा र भरा छाहारी वृक्ष शीतल भल छ ।

कसैले चाल पाउने छैन भ्रष्टले छोएको
अहिले हैन धेरै नै भयो राष्ट्रले रोएको ।

दाहिने देब्रे गर्नुछ ख्याल भ्रष्टका नजर
देशका भक्त पाहुना बनी ख्याउला जहर ।

भ्रष्टका दरा गडेका जरा खोतल्छ दसीले
जस्ताको त्यस्तै उतार्छ बुँदा कलम मसीले ।

सत्यता साथ कमाई धन सम्पत्ती साँचो छ
असत्य साथ कमाई धन सम्पत्ती काँचो छ ।

०००
खाेलेसिमल, चितवन