नेपाली हास्यव्यङ्ग्य अनलाइन पत्रिका

कणाद महर्षि :

पहेंलो, नीलो, रातो, सेतो
अनेक रड, रडका
गुलाफी गुलाफ
देखाएर, हेरिने
प्रयत्न पनि
गरिन्थ्यो यदाकदा

तथापि
कति अस्पष्ट देखिन्थे, कति देखिन्नये
तर चाहेकोजस्तो कतै भेटिएन
भौंतारिएर खोजिरहेको बखत
अकस्मात देखियो बहुरङ्गी वागमा
कालो गुलाफ ।

जलाशय/पोखरी
दह/तलाउमा
फुलेको कमल
देखियो धेरैपटक
टिपियो पनि कहिलेकाहीं
रातो, सेतो, पहेंलो, आदि कमल

यता, जतासुकै पाइन्छ
कमल ! जल कमल,
थल कमल, इन्द्रकमल
तर जति चहारे पनि
कतै पाइएन
कालो कमल ।

बरू उता, कता हो कता
पौराणिक गाथामा सुनिएथ्यो
र यतैकतै पनि देखियो रे नाभिकमल !
अब कालो गुलाफ र नाभिकमल
समागम भए
कस्तो पुष्प सृष्टि होला !

०००
९८४१६२६६२६, चावेल काठमाडौं- ७
अभिव्यक्ति / पूर्णाङ्क २३०