प्रकाश अर्यालबसौँ न ज्वाइँ
बसौं न ज्वाइँ चकटीमा राडी किन्छु अर्को वर्ष
दही दुध घिउ ख्वाउँला पाडी किन्छु अर्को बर्ष ।
भोकै पेट आउनु भा’छ खान–पिन गरौँ क्यारे !
मकै भुटी टक्र्याउने छु हाँडी किन्छु अर्को बष ।
बजारको चिजबिज खासै उचित हुन्न अचेल
काँक्रा केरा फलाउनेछु झाडी किन्छु अर्को बर्ष ।
यस्तै छ ज्वार्इं दुख–सुख टार्टुरमै चल्दै गा’छ
थैली भर्छु अनि मार–वाडी किन्छु अर्को बर्ष ।
यसपाली त ससुराले दौरा सुरुवाल सिलाएछन्
कुरा थप्दै सासू भन्छिन् साडी किन्छु अर्को बर्ष ।
सासुरा चै गफाडी थे अन्तिममा उनी बोले
आउँदा कस्ट भयो होला गाडी किन्छु अर्को वर्ष ।
नलाङ– ७, वैरेनी, धादिङ
हाल : कुरुक्षेत्र विश्वविद्यालय, भारत
Subscribe
Login
0 Comments
Oldest
