नेपाली हास्यव्यङ्ग्य अनलाइन पत्रिका

तिमी हाँस
मन्दमन्द हाँस
मुस्कुराऊ,
खितखित हाँस ।
घरिघरि हाँस
थरिथरि हाँस ।
मरीमरी हाँस
बाटोभरि हाँस ।
जोक नगरी हाँस ।

तिमी हाँस,
कुकुर देखेर हाँस,
ढुकुर देखेर हाँस ।
नेताको ताल हेरेर हाँस,
जनताको हाल हेरेर हाँस ।
कतै बजेट हेरेर हाँस,
कतै भोको पेट हेरेर हाँस ।

तिमी हाँस,
मेची रोए पनि हाँस,
महाकाली रोए पनि हाँस ।
टिभि सुनेर हाँस ,
या रेडियो हेरेर हाँस ।
जोक गरेर हाँस ।
तिमी हाँस ।

चाहे तिमी जसरी हाँस ,
मलाई पो के हुन्छ र मित्र?
तिम्रै जीवन स्वाहा हुन्छ ,
तिमी जताततै हाँसेको देखेर,
दुनियाले तिमीलाई नै पागल भन्छ ।

चारघरे, नुवाकोट