नेपाली हास्यव्यङ्ग्य अनलाइन पत्रिका

उज्यालो यो दिन पनि रात जस्तै लाग्छ
धोका दिने मनुष्यको जात जस्तै लाग्छ !!

घमण्डको पोको बोकी सेवा गर्न आउने
जहर बोकी आएका ती हात जस्तै लाग्छ !!

बैमानी यो शहरमा आफ्नै सँग पनि
विश्वाश गर्नु पनि एउटा घात जस्तै लाग्छ !!

बाँच्नुजेल दुखियालाई संधैभरि दु:ख
विधाताले देको अर्को लात जस्तै लाग्छ !!

अभावमा पिल्सिएर जिउनु पर्ने जीवन
ओइलिएर झरेको त्यो पात जस्तै लाग्छ !!

झापा, बिर्तामोड
हाल–इजरायल