डा.घनश्याम परिश्रमीउस्तै छ
हिजो जस्तै हावा उस्तै, पानी उस्तै छ
यहाँ जनताको जिन्दगानी उस्तै छ
प्रतिगामी परिचालक गाडी हाँक्दै छन्
तिनको व्यवहार उस्तै, बानी उस्तै छ
अग्रगामी सूत्रहरू लागु भएनन्
मोफसल उस्तै, राजधानी उस्तै छ
परिवर्तनको उज्यालो दिगो भएन
कालीगण्डकी र कुलेखानी उस्तै छ
यथास्थितिवादीहरू हात मिलाउँदै छन्
तर तिनका बीचमा खिचातानी उस्तै छ
पराइका इसारामा सत्ता चलाउने
कठपुतलीहरूको बेइमानी उस्तै छ
भैैरहवा
Subscribe
Login
0 Comments
Oldest
