नेपाली हास्यव्यङ्ग्य अनलाइन पत्रिका

१.
बहाना अनेक अनेक बनाउनुहुन्छ उहाँ
कहिले हाँस्नुहुन्छ, कहिले रुनुहुन्छ उहाँ
अपराध धेरै गर्नुभएको जानीबुझी
त्यसैले भगवानको परमभक्त हुनुहुन्छ उहाँ ।

२.
ठगको चुरीफुरी छ, सज्जनले दुःख पाइरहेछ
कमजोर भोकभोकै छ, बलियोले खुब खाइरहेछ
मौलाइरहेको छ, आज झन् भ्रष्टाचारको विकासे खेती
पाखण्डले मधुर प्रवचन ज्ञानको सुनाइरहेछ ।

३.
बस्दै कमजोर जगको घरमा रमाउँदैछौँ हामी
सधैं अर्काको निगाहको भरमा रमाउँदैछौँ हामी
थाहा छैन, भविष्य अन्धकारतर्फ उन्मुख छ
केवल खोक्रमे आडम्बरमा रमाउँदैछौँ हामी ।

४.
विद्वानहरूले स्वाभिमान गुमाएको धेरै देखियो
क्षमतावानहरू नै चाकरीमा धाएको धेरै देखियो
विडम्बनाका अनेक छन् रुपक हरेक क्षेत्रमा
कुरुपहरूले अनुहार सजाएको धेरै देखियो ।

भैरहवा