नेपाली हास्यव्यङ्ग्य अनलाइन पत्रिका

१.
माथि आफू पुग्छन् अनि माथिकालाई तल झार्छन्
परकालाई धपाउँछन् वरकालाई पर सार्छन्
यस्तै राम्रा काम हुन्छन् हाम्रा राजनेताबाट
जिउँदालाई डुबाउँछन् मरेकालाई पारि तार्छन् ।

२.
आफै भ्रष्ट, अर्कालाई भ्रष्टाचारी भन्छन् उनी
बेइमानका सरदार हुन्, इमानदार बन्छन् उनी
समाजमा यस्तै यस्तै कर्म गर्न रुचाउँछन्
सोझा सिधालाई फसाउने खाल्डा खन्छन् उनी ।

३.
यहाँ काम कुरा खास हुनै सकेन
बिकृतिको पर्दाफास हुनै सकेन
जति मार्न खोजिन्छ उत्ति फैलिन्छ
वनमाराको सर्वनास हुनै सकेन ।

भैरहवा