नेपाली हास्यव्यङ्ग्य अनलाइन पत्रिका

सत्तामा छन भ्रष्टाचारी के बन्ला र ? संविधान !
प्रतिपक्ष बन्दुकधारी के बन्ला र ? संविधान !

शोषणबाट मुक्त छैनन् अझै हाम्रा चेलीहरू
संसदमै छन् बलत्कारी के बन्ला र ? संविधान !

आफ्नो हक खोज्न अब आफै लाग ए युवा हो !
युवा हुँदा बेरोजगारी के बन्ला र ? संविधान !

चुनाव जिती नेताहरू संसदमा पुगेपछि
बस्छन् काम पर सारी के बन्ला र ? संविधान !

पुगेपछि सरकारमा धेरै पटक यिनै यिनै
यौटा टुक्के अर्को दाह्री के बन्ला र ? संविधान !

‘मृत्यु’दण्ड दिए पनि अन्तिमसम्म भन्छु मैले
नेपाल साझा फुलबारी के बन्ला र ? संविधान !

नेपाल नामको डुङ्गालाई तिनै मात्र चलाउँछन्
गर्दा गर्दै वारिपारि के बन्ला र ? संविधान !!
जहदा, नवलपरासी
१४–०९–२०७१