नेपाली हास्यव्यङ्ग्य अनलाइन पत्रिका

क्वै रिसाउने क्वै खुसाउने ठट्टा गर्ने बानीले
क्वै हँसाउने क्वै रुलाउने ठट्टा गर्ने बानीले ।

मान्छे पिच्छे नानाथरी आशा अनि आकाङ्क्षा
कोही खुवाउने क्वै चुठाउने ठट्टा गर्ने बानीले ।

मनका सफा हुन्छन् कोही क्वै त जाली असाध्यै
क्वै त लुट्ने क्वै लुटाउने ठट्टा गर्ने बानीले ।

मित्र बन्न आउँछन् कति शत्रु बनी जान्छन् क्वै
क्वै बचाउने क्वै डुबाउने ठट्टा गर्ने बानीले ।

अशल हो कि खराब हो खै भन्दिनुस् है साथी हो
क्वै चुकाउने क्वै झुकाउने ठट्टा गर्ने बानीले ।
धादिङ