नेपाली हास्यव्यङ्ग्य अनलाइन पत्रिका

खाना पकाउने ग्याँसमा कुनकुन नेताले कति कति कुम्ल्याए ?
सबैलाई मतलब
आफ्नु घरमा कहिलेदेखि खाना नपाक्ने हो ?
के मतलब ?

यम बि.बि.एस. भर्नामा ठुलो भ्रष्टाचार छ
सबैलाई मतलब
त्यहाँबाट निस्किने काँचो डाक्टरको उपचारले मारिने त होइन ?
के मतलब ?

नेताहरू बीच के के कुरामा असहमति रह्यो ?
सबैलाई मतलब
सहमति र सहमति बीच देशको गति के भयो ?
के मतलब ?

गाउँघरमा बुढापाका मर्दा मलामी पाइँदैन
सबैलाई मतलब
गाउँघरमा बाँचेका एक्ला बुढाबुढीलाइ हेर्ने कोही भएनन्
के मतलब ?

हवाइजहाजबाट हाम फाल्न सिपाहीलाई प्यारासुट चाहिन्छ
नेतालाई चाहिंदैन,
के मतलब ?

दुइटा नेता धरहराबाट सँगै हामफाले
पहिला भुइँमा कुन चैं आइपुग्ला ?
पहिला हाम त फाल्न दिनोस्,
जुनसुकै पहिला होस्
के मतलब ?
काठमाडौं