जीवनपानीहिजो तिमी के थियौ ?
के थिएँ म हिजो ? हिजो तिमी के थियौ ?
न मैले सम्झिएँ, न तिमीले सम्झियौ ।
ठेस लाग्यौं हामी, लड्यौं र दुख्यौं दुवै,
म आधा पोखिएँ, तिमी आधा पोखियौ ।
गति हो जिन्दगी, रोकिनु हुन्न भन्थ्यौ,
थाक्यौ कि के भयो ? हिँड्दाहिँड्दै रोकियौ ।
नअग्लिनु धेरै, औकात भन्दा अग्लो
नुग्छ, नुग्नुपर्छ, भन्दाभन्दै अग्लियौ ।
सुखको याम हो, बर्सिएला घमण्ड,
भनेकै मानेनौ, पहिरोमा पुरियौ ।
Subscribe
Login
0 Comments
Oldest
