नेपाली हास्यव्यङ्ग्य अनलाइन पत्रिका

बेइमानी यिनको धर्म बेइमानी यिनको कर्म
जसलाई परोस जे मर्म, गैँडाको यिनको चर्म
साँचो नबोल्ने यी छन् पÞmट््याइँमा रमाउने
लक्ष छ यिनको एउटै देशै लुटी कमाउने ।

जनता यी हाम्रा भेडा बोलाउँछौ सडकमा
भ्या भ्या यी गर्दै आउँछन् हाम्रो मजा लहडमा
हाम्रै इशारामा यी तैयार मर्न मार्न
हाम्रो छुरा तयार छ यिनका ती छाला तर्न ।

भेडै छ भेडो जाति आउ चराऊँ साथी
बस्थे पहिले गोठ खोज्छन् अहिले पार्टी
तन्त्र र मन्त्रका लौ भाषण केही सुनाइदेऊ
झण्डा बोकाई एउटा चाहे जति मजा लेऊ ।

सिद्धान्त केहि भन्देऊ भेडा त्यसै रमाउँछन्
उफ्रेर धेर सडकमा हेर भेडा कराउँछन्
मुठ्ठी उचाली देशलाई नयाँ बनाउने भन्छन्
देखे केही बनेको ध्वस्तै बनाइ छोड्छन् ।

भेडाको भिडदेखि मानिसहरु डराउँछन्
भेडा अगाडिलाइ ब्वाँसाहरु रमाउँछन्
भेडा र ब्वाँसा दुइटै ओहो मिलेको हेर
यिनको त्यो भिडमा मानिस जिउंँदै मरेको हेर ।
काठमाडौँ