सुदन लुइटेलतान्ने चलन
मौका हेरी जाल हान्ने, चलन आएको छ
आफ्नैमात्र खुसी छान्ने चलन आएको छ ।
हुतिहारा कुरा काट्ने गर्नु केही छैन
परजीवी जीवन धान्ने चलन आएको छ ।
बफादारी गर्नेले नै छुरा घोप्छ एकदिन
दाउ हेरी सत्ता तान्ने चलन आएको छ ।
यस्तै हुन्छन् चिनौंँ मित्र आडम्बरीहरू
जताततै आफै जान्ने चलन आएको छ ।
साधुको त्यो वस्त्र भिरी डाकु आए पनि
आँखा चिम्ली प्रभु मान्ने चलन आएको छ ।
झापा बिर्तामोड
हाल– इजरायल
Subscribe
Login
0 Comments
Oldest
