मरुभूमि नारायणकाठमाडौंमा घर हुनेले
हाम्लाई मान्छे गन्दैनन्, काठमाडौंमा घर हुनेले
के छ बाबु ? भन्दैनन्, काठमाडौंमा घर हुनेले ।
परिश्रमका हाम्रै फल, खाई बाँचेका छन्
खेतबारी खन्दैनन्, काठमाडौंमा घर हुनेले ।
आफै मात्र अघि बढ्छन्, अरुलाई दबाउँछन्
समझदारी बान्दैनन्, काठमाडौंमा घर हुनेले ।
के नै सिके ज्ञानका कुरा ?, राजधानीमा बसी
मानवता नै जान्दैनन्, काठमाडौंमा घर हुनेले ।
चुनौती भो यही गजल, नवीन सङ्कल्पको
अब खुट्टा तान्दैनन्, काठमाडौंमा घर हुनेले ।
छातेढुङ्गा– ७, तेह्रथुम
Subscribe
Login
0 Comments
Oldest
