नेपाली हास्यव्यङ्ग्य अनलाइन पत्रिका

सहमति कति सस्तो, पात्र भो \’आलु\’ जस्तो । 
सहमति मति खस्दो, मात्र भो \’भालु\’ जस्तो ।। 
गुटगुट दल सारा, भित्र यै एक सूत्र । 
कुरुप रुप बनाई, कुर्लदा छन् कुपुत्र ।। १ ।। 

जुन दल पनि उस्तै, टूट फूटै अटूट । 
\’सहमति\’भनी बाजा, बज्दछन् कूट झूट ।। 
सबतिर उही बन्डा, चल्छ रन्डा रजाइ । 
सहमति गतिमारा, मात्र गर्ने फट्याइ ।। २।। 

स्वदल कलह कैलो, छैन विश्वास सास । 
दल सब मिलिदेलान्, हामी के गर्नु आस ।। 
सहमति\’ जनताको, कान खाने हिरा भो । 
\’सहमति\’ मुलुकैको, मान\’ खाने किरा भो ।। ३ ।। 

\’सहमति\’ कति राम्री शब्द-कन्या, पवित्र । 
कलहप्रिय सबैले, लुट्न थाले सतीत्व ।। 
अझ पनि उही चाला, भातमारा मिजास । 
सुन, सुन, सुन भन्छौ, ए कलिका \’मिडास \’।। ४।।

धादिङ