मुक्तिबन्धुक्रान्तिकारी सामन्त
कृतज्ञ हुँन जान्दैन कुरा काट्छ छुरा बनी
अनुशासन मान्दैन आफ्नेै सिद्धान्तको पनि
विनम्रता छँदै छैन, छैैन शील स्वाभावमा
सम्वेदना झल्किँदैन कहिल्यै अनुहारमा !
भकुण्डो खेल्नै तम्सन्छ गुरुकै टाउको पनि
कुनै आदर राख्दैन आमा र बाबुको पनि
जे पनि गर्छु नै भन्छ आफ्नो काम परेपछि
सजिलैसित पन्छिन्छ आफ्नो काम टरेपछि ।
मुक्त्तिदातासरी ठान्छ आफूलाई गरीबको
कृपा गरेर जन्मेझै देशमा यो गरीबको
सधै गजक्क गज्किन्छ सिन्को भाँच्दैन ता पनि
मिलेर चल्न जान्दैन बरु लुतो कन्याउँछ !
सधै भुतुक्क नै हुन्छ श्रीसम्पत्ति भनेपछि
ठूलो विजयझै ठान्छ धेरै नोट गनेपछि
अपानवायु बाहेक त्याग्न सक्दैन कमै पनि
भोगीको बन्छ दृष्टान्त त्यागी हुँ भन्छ तै पनि !
काठमाडौं
Subscribe
Login
0 Comments
Oldest
