मरुभूमि नारायणमन्दिर जानेको नियत
कोही फूलपाती बोकेर मन्दिरमा पुगेका छन्
खाली पाउ शिर छोपेर, मन्दिरमा पुगेका छन् ।
पेटभरि पाप बोकी धुन होला शायद
पापी यही सम्झेर मन्दिरमा पुगेका छन् ।
यो जमाना देखेर म अचम्मित भएको छु
आफ्नै आत्मालाई ढाँटेर मन्दिरमा पुगेका छन् ।
सेवा नै धर्म हो भन्दै जो कराउँथे उनीहरू नै
भोकालाई भोकै राखेर मन्दिरमा पुगेका छन् ।
अहिंसाका ती पुजारी नै हत्यारा भएदेखि
मुहारमा खुन लिएर मन्दिरमा पुगेका छन् ।
झापा बिर्तामोड
हाल : इजराइल
Subscribe
Login
0 Comments
Oldest
