पुरूषाेत्तम सिग्देलदिउँसै घाँटी सेरिने, बर्बाद उस्तै छ
हुरी उस्तै छ आज, त्यो रात उस्तै छ
भोक र बिलासको, वर्षात उस्तै छ ।
नेपाल आमा अझै, रुन्छिन धुरू धुरू
हृदयमा छुरा धस्ने, आघात उस्तै छ ।
डाँको छोडी रुँदै देख्छु, मठ, मन्दिर, स्तुप
जस्ले ल्याएर चडाउने, प्रसाद उस्तै छ ।
जुनै तन्त्र आए पनि, सडकलाई शान्ति छैन
चोटै चोट रक्ताम्यको, हिम पात उस्तै छ ।
सत्तामाथि जो छन्, उही कथा उही व्यथा
दिउँसै घाँटी सेरिने, बर्बाद उस्तै छ ।
शान्तिनगर– १, जुनेलीवस्ती, झापा
हाल : मलेसिया
Subscribe
Login
0 Comments
Oldest
