नेपाली हास्यव्यङ्ग्य अनलाइन पत्रिका

१.कुरा र काम
कोही भित्रभित्रै जल्छन् तर खै ! किन हो मुखले केही भन्दैनन्
सामुन्नेमा साष्टाङ्ग दण्डवत् गर्छन् तर पछाडि मान्छे गन्दैनन्
अचेल मान्छे किन यस्ता भएका अलिकति प्रगति पनि गर्नु हुँदैन
कुरा गर्छन् राजमार्ग बनाउने तर आफू भने एक इन्च खन्दैनन् ।

२.थुतुनो
यहाँ मालपानी बोकेर ठुलाबडाहरूको घरमा बिहान होस् अथवा बेलुकी होस् धाउनु पर्छ
हिजोका राजा महाराजाहरूको भजन गाएको जस्तै आज यिनीहरूको स्तुति गाउनु पर्छ
नत्र बन्नै आँटेको काम पनि सखाप भएर बिग्रिन्छ र तपाईंले दुःख पाउनुहुन्छ हजुर !
‘प्रभु’को यस्तो चाकरी गर्नोस् कि तपाईंको थुतुनो हरदम उहाँको नजरमा छाउनु पर्छ ।
हेटौडा, मकवानपुर