नेपाली हास्यव्यङ्ग्य अनलाइन पत्रिका

१. कविता
भावहरूको खण्डहर भित्र
कलाको हत्या भएको छ ।
उत्खनन गर्दागर्दा थाकियो
कतै भेटिएन्– सुकुमारी कविताको लाश !!

२.इच्छा
हामीलाई
समाज द्रोहीहरू समाजवादी भएको
कति पनि मन पदैन ।
र चाहन्नौं–
‘कम्युनिष्टहरू’ कम निष्ट भएको सुन्न ।

३. प्रतीक्षा
याद गर !
अब एक दिन–
सबै राज्यका सीमाना मेटिएर
सीमानाहीन सीमानाको
विश्व एउटै राज्य बन्नेछ –धरणी भरिको ।

४. सुरुआत
धेरै समय अल्मलियौ अब अगाडि हिन
जुलुस, आन्दोलन र नेपाल बन्दलाई फालौं ‘डष्टबिन’
नेपालीहरू हो, अब आफ्नो हैसियत चिन,
‘नयाँ कोट लगाऊ, पुस्तक किन्दै नकिन ।।’

मन्थली, रामेछाप