स्वागतम– २०७३
स्वागतम छ स्वागतम नयाँ वर्षलाई
नयाँ नौलो जोश देओस् यसले यहाँ आई
थकित भई बसेका सब जुर्मुराई उठुन्
छरपस्ट भएका ती एक भई जुटुन् ।
निदाएका पन्छीहरू चिरबिर कराउन्
आपसका बिचका दुरी सबै हराउन्
गाउँ बस्ति हराभरा संधैं फलोस् फुलोस्
खुसी र उमङ्गले सिंगै देश झुलोस् ।
स्वस्थ्य रहुन नदी–नाला पहाड र हिमाल
गीत गाउँदै नाचिरहुन् पन्छी डाँफे मुनाल
सोचेभन्दा बढी मिलोस नयाँ साल भित्र
विश्वको मानचित्रमा नेपाल शान्ति क्षेत्र
एकै ढिक्का गरि बलियो बनाउ हामीलाई
मुटुबाटै स्वागत नयाँ साल तिमीलाई ।
हाल : जर्मनी