डा.घनश्याम परिश्रमीबानी हजुरको
बुझ्ने र बुझ्पचाउने बानी हजुरको
साँचो कुरा लुकाउने बानी हजुरको ।
लाजै नमानी खाने पाए जति सबै
खाएपछि लजाउने बानी हजुरको ।
सत्ता नजिक बस्ने भत्ता पचाउँदै
उल्टा कुरा सुनाउने बानी हजुरको ।
फाइदा हुने भएमा आफन्तकै पनि
घाँटी सिधै समाउने बानी हजुरको ।
भन्ने म साथमा छु, टाढा कतै हुने
स्वार्थी भएर आउने बानी हजुरको ।
माया गरेको भन्दै पीडा नजानिँदो
दिलमा दिई दुःखाउने बानी हजुरको ।
भैरहवा बहुमुखी क्याम्पस
Subscribe
Login
0 Comments
Oldest
