नेपाली हास्यव्यङ्ग्य अनलाइन पत्रिका

छोराले सोध्यो, –ए बा गणतन्त्र आयो रे, हामी कहाँ कहिले आउँछ ?
बाउले भन्यो, –अहिले भरखर काठमाडौं आ छ, उसले छोडेपछि हाम्रोमा आउला ।

छोराले भन्यो, –ए बा लुगा फाट्यो ।
बाउले भन्यो, –अहिले पख्, काठमाडौंले फाल्छ अनि लगाउलास् ।

छोराले भन्यो, –ए बा भोक लाग्यो ।
बाउले भन्यो, –अहिले पख, काठमाडौं खाँदैछ, ऊ अघाउँछ अनि खालास् ।

छोराले सोध्यो, –ए बा त्यो काठमाडौं कहिले अघाउँछ ?
बाउले भन्यो, –हामी मरेपछि ।
त्यसपछि छोराले केही भनेन ।

चन्द्रनिगाहपुर, रौतहट