पाँच ठोकान

अब मेरै पालो आ’छ, धन्दा नमान्नुस् । मेरो सालो मन्त्री भा’छ,धन्दा नमान्नुस् । दुई नम्बरी पैसा गन्न मलाई उतै बोलाइ रा’छ, दाहिने हात चिलाई रा’छ, धन्दा नमान्नुस् ।

१.
परजीवी जीव जस्तै, डस्छन् टोक्छन् चुस्छन् चिल्छन् ।
सलहका हूल जस्तै, कहिले फुट्छन् कहिले मिल्छन् ।
देशप्रेमी नेता हुन् कि अजिङ्गरका सन्तति हुन् ती ?
ढुक्कसँग खान पाए, एकदिन यिनले देशै निल्छन् ।।

२.
एउटा आउँछ यो दल भन्छ,अर्को आउँछ उ दल भन्छ,
उसको भलाईका लागि, हामीलाई नीति बदल भन्छ ।
यता जनता जनार्दन चैं समस्याको खातमा छन्,
उता नेता देश बनाउने, भैरहेछ छलफल भन्छ ।।

३.
कस्ले भन्छ सफल हुन, इमानदारी जानेपुग्छ ?
गुण कौशल, लगन निष्टा, बफादारी जानेपुग्छ ?
सबै सफल नेताहरूमा गुण कौशल कहाँ पाउनु ?
सफल हुने एउटै कला, चाटुकारी जानेपुग्छ ।

४.
एउटा हुन्छ त्रासदीमा, अर्कोतिर व्यापार हुन्छ,
बलियाको पेट भर्न, दुर्वलहरुको सिकार हुन्छ ।
तबसम्म यस्तै हुन्छ जबसम्म मान्छेहरूको,
दिमागको घ्याम्पोभित्र, सडेगलेको विचार हुन्छ ।।

५.
अब मेरै पालो आ’छ, धन्दा नमान्नुस् ।
मेरो सालो मन्त्री भा’छ,धन्दा नमान्नुस् ।
दुई नम्बरी पैसा गन्न मलाई उतै बोलाइ रा’छ,
दाहिने हात चिलाई रा’छ, धन्दा नमान्नुस् ।।

०००
चन्द्रनिगाहपुर ४, रौतहट

फित्काैलीको सूचना
बागमती प्रदेश सञ्चार कार्यालय लामो
पाँच ठोक्तक

पाँच ठोक्तक

हरिकृष्ण काफ्ले
हजुर !

हजुर !

हरिकृष्ण काफ्ले
बेलाको बोली-२४

बेलाको बोली-२४

ऋषि बस्ताकोटी
चार ठोक्तक

चार ठोक्तक

अन्जु शर्मा
बेलाको बोली- २३

बेलाको बोली- २३

ऋषि बस्ताकोटी
तीन ठाेक्तक

तीन ठाेक्तक

तीर्थराज अधिकारी
छ हाइकु

छ हाइकु

साधुराम खड्का