पुरूषाेत्तम सिग्देलखोइ कहाँ छ प्रजातन्त्र ?
गरीबको जग्गा आना छैन, खोइ कहाँ छ प्रजातन्त्र ?
भोक टार्न अन्न दाना छैन, खोइ कहाँ छ प्रजातन्त्र ?
खुल्ला आकाश मुनी दिन-रात, गुजार्छन् कठै तिनले
घाम पानी छेक्ने छाना छैन, खोइ कहाँ छ प्रजातन्त्र ?
चाडबाड आउँदा लालाबाला कठै, कोहलो काट्दै अलाप्छन्
चिची-पापा नाना छैन, खोइ कहाँ छ प्रजातन्त्र ?
समानता समता समावेशी शिक्षाको, नारा धेरै लगायौ
ठुटो सिसाकलम लेख्ने पाना छैन, खोइ कहाँ छ प्रजातन्त्र ?
Subscribe
Login
0 Comments
Oldest
