नेपाली हास्यव्यङ्ग्य अनलाइन पत्रिका

बिहान जुरूक्क उठेर बुहारीले
सासू नन्द आमाजुको गोडा ढोग्नुपर्छ,
दैलो अघेनु पिंडी पोत्नु पर्छ
सासूकै ओछ्यानमा चिया पुर्याईदिनु पर्छ
सासूलाई पूजा सामग्री ठीक पार्दिनु पर्छ
सासू नन्द आमाजुकै लुगा धोईदिनु पर्छ
खाना बनाउने सबैका भाँडा माझ्ने काम
बुहारीकै हुन्छ

झरी असिना घाम पानीको प्रवाह नगरी
दाउरा घाँस पानीको जोहो गर्नु पर्छ
केही समय माईती आए कस्तो ल्याई के ल्याई
कोसेलीको खोजी सासू आमाजू नन्दकै हुन्छ
यी सबैको रमिते मात्र पुरूष हुन्छ,
न उ गर्न सक्छ न बुहारीको पक्षमा केही बोल्न सक्छ

यसैले नारी दिवस मनाउने दिन छैन
बरू घर परविार मिलेर ३६५ दिन
बुहारीलाई सहयोग गरौंं
बुहारी दिवस मनाऊँ ।

झापा, हाल काठमाडौं