नेपाली हास्यव्यङ्ग्य अनलाइन पत्रिका

चट्टान पग्लेर बगेको हिमालको पानी चाहिएको छ ।
यतिबेला मलाई मेरो देशको जवानी चाहिएको छ ।

म हरेक पल बाँधिईरहेँ पराईको लगामभित्र,
यत्ति हो मर्ने बेला उनको हात सिरानी चाहिएको छ ।

बहुतै पोलिरहन्छ यहाँ भित्र बाहिर सबैतिर,
म हराएँ अन्धकारमा उज्यालो बिहानी चाहिएको छ ।

मेरो अन्तिम निवेदन यो छ मलाई घर पुर्याइदे सरकार,
त्यो माटो बचाउन मेरै लासको खरानी चाहिएको छ !!

तिवारी भञ्ज्याङ, भोजपुर