नेपाली हास्यव्यङ्ग्य अनलाइन पत्रिका

एउटा सत्ता फेरियो र अर्को सत्ता आयो
ढोई बाँधियो फेरि अर्को मत्ता आयो

मरे अरु आमाको काख त्यो रित्याएर
मत्तालाई बसीबसी बैंकमा भत्ता आयो

राजनीति यहाँ झुण्डमा नै चलेको छ
छुटाउन हिरासतमा ठूलो जत्था आयो

मुखमा रामराम हेर बगलीमा छ छुरा
कालो बगली छोप्न रङ्गिन गत्ता आयो

लडेथेँ मैले सधै राष्ट्रियताका खातिर
तर लास छोप्न आयातीत लत्ता आयो

पैंतालीस हजार ऋण जन्मदै नेपालीको
यस्तै हो भने समाजबाद पक्का आयो

जनतामाथि यसरी खेल्नु हुन्न भन्दा
तँ पनि खेल भन्दै तासको पत्ता आयो ।

काठमाडौं