खोलाघरे साहिँलोेदाउको न लय हुन्छ न छन्द हुन्छ
सत्ताको नशा भूत चढेजस्तै चढ्छ, छोड्दैन मृत्युपर्यन्त कतै धृतराष्ट्र जन्मान्ध हुन्छ, दूर्योधन सत्तामदान्ध हुन्छ ।
“बाह्र वर्षमा उनिउँ फुल्यो खै .. के जातिको गन्ध” हुन्छ
हत्यारा, अपराधी छुटेपछि, तिनकै बोलबाला बुलन्द हुन्छ ।
आम माफी आगो लाउनेलाई, ज्यानमारा र लुटेरालाई
अपराधी छुट्नुको अर्थ न्यायप्रणाली नजरबन्द हुन्छ ।
भेडाको सिकार गर्नु हो ब्वाँसाको उद्देश्य जहिले पनि
दाउ छोप्नु मुख्य हो, दाउको न लय हुन्छ न छन्द हुन्छ ।
गम्भीर अवस्था हुँदा सधैं गस्ती गर्छन् उताका शकुुनीहरूले
यताका गिद्ध चाकडीको होडबाजीमा हुुन्छन्, राष्ट्रवाद मन्द हुुन्छ ।
कृष्ण बोधो भएपछि भीमसेनको आफ्नै चातुर्य नभएपछि
उद्दण्ड शिशुपाल हुन्छ, कंस हुन्छ, विजेता जरासन्ध हुन्छ ।
सत्ताको नशा भूत चढेजस्तै चढ्छ, छोड्दैन मृत्युपर्यन्त
कतै धृतराष्ट्र जन्मान्ध हुन्छ, दूर्योधन सत्तामदान्ध हुन्छ ।
०००
Subscribe
Login
0 Comments
Oldest
