रुपक अलङ्कारम भ्रष्ट हुँ, दलाल हुँ
मलाई सम्झी गण्डकी ममाथि तैरियौ तिमी, मभित्र छैन स्वच्छता गनाउने म नाल हुँ ।
मलाई फुल सम्झियौ म घाँस हुँ पराल हुँ
मलाई थुक मानिस म भ्रष्ट हुँ दलाल हुँ ।
कुरूपता कुकर्मको भएँ म आज डङ्गुर
पुछेर फाल हातले सिँगान हुँ म र्याल हुँ ।
खनेर गाड खाडल बनिनँ शुद्ध मानिस
तुहिगएछु गर्भमै म मात्र सालनाल हुँ ।
मलाई सम्झी गण्डकी ममाथि तैरियौ तिमी
मभित्र छैन स्वच्छता गनाउने म नाल हुँ ।
डढाइदिन्छु देश नै उमाल्छु यो हिमाल नै
जगत् समस्त भस्म होस् म लोभको मसाल हुँ ।
०००
काठमाडौं
Subscribe
Login
0 Comments
Oldest
