कृष्णप्रसाद गाैतमकसले गर्दा लोकतन्त्र फेल भयो ?
सुगन्धित पवन बनी उड्नु पर्थ्यो लोकतन्त्र मुखियाको कपालमा मगमगाउने तेल भयो ।
कृष्णप्रसाद गौतम :
निर्धालाई शकुनिले रचाएको खेल भयो
बडालाई लोकतन्त्र समृद्धिको रेल भयो ।
शिल्प भर्ने हातहरू विचल्ली छन् विदेशमा
दिन गन्छन् वृद्धवृद्धा घरआँगन जेल भयो ।
ङ्यार्र्ङुर्र सधैँ ढाडे भाग ठूलो तान्नलाई
कठै प्यारो लोकन्त्र बाँदरलाई सेल भयो ।
फल पाक्छ आकाशमा मात्र हेरी रम्नु पर्ने
दुःखीलाई लोकतन्त्र कागलाई बेल भयो ।
सुगन्धित पवन बनी उड्नु पर्थ्यो लोकतन्त्र
मुखियाको कपालमा मगमगाउने तेल भयो ।
मकैबारी छिरे भालु भोकभोकै परे कालु
भन आज कसले गर्दा लोकतन्त्र फेल भयो ?
०००
इटहरी, सुनसरी
Subscribe
Login
0 Comments
Oldest
