नेपाली हास्यव्यङ्ग्य अनलाइन पत्रिका

कृष्णप्रसाद गौतम :

१.
खान पाएपछि हुने र नहुने नचिन्ने भएछौ
पराईको त के कुरा आफन्तकै छिन् ने भएछौ
खै, वर्ष दिनघि त सारै पिलन्धरे थियौ नि हगि ?
अहिले त वर्षका दुईचार गाडी किन्ने भएछौ ।

२.
पुन्यको जमाना गयो साथी ! अब पाप गरे पुग्छ
जसरी भए पनि आआफ्नो फलिफाप गरे पुग्छ
छाडिदिनुस् अब थोत्रा तन्त्रमन्त्र शक्ति छैन यसमा
छलाङ मार्‍यो समयले “पार्टीनेतैव ईश्वर” जाप गरे पुग्छ ।

३.
कसैका नुन तेल र मसलामा तिमी साँदिएका छौ अरे
कुनै पारखीद्वारा सुकिलो बयममा खाँदिएका छौ अरे
तिमीमा जुन स्वाद छ, सबै बनावटी हो भन्छन् सुन न
यथार्थमा तिमी कसैका महाजालमा बाँधिएका छौ अरे ।

०००
इटहरी, सुनसरी