नेपाली हास्यव्यङ्ग्य अनलाइन पत्रिका

भगवतीप्रसाद शर्मा :

विविध जात हुँदा घर सङ्लियो
सहज काम भए मन दर्बिलो
असल नाम चले गुणगान भो
मुलुक छैन भने सुख मासियो ॥१

गलत काम गरे भय बढ्दछ
असल काम गरे जय मिल्दछ
फगत तुच्छ बने तल पारिने
मुलुक छैन भने सुख मासिने ॥२

इलम योग्य भए सुन फल्दछन्
फसल अन्न यहीँ अझ फल्दछन्
फरक चित्त भए मन भाँचिने
मुलुक छैन भने सुख मासिने ॥३

इतर भाव भए कद होच्चियो
मधुरवास सबै अब बुच्चियो
सफल चिन्तनको भर चाहियो
मुलुक छैन भने सुख मासियो ॥४

गहन काम गरी यश फैलियोस्
गलत कन्टक छन् पर फालियोस्
उठ युवा अब ता कर चाहियो
मुलुक भ्रष्ट हुँदा सुख मासियो ॥५

गहन काम गरी यश फैलियोस्
गलत कन्टक छन् पर फालियोस्
उठ युवा अब ता कर चाहियो
मुलुक भ्रष्ट हुँदा सुख मासियो ॥५

०००
खोटाङ