कृष्णप्रसाद गाैतमतीन ठोक्तक
के गर्यौ के गरेनौ तिमीले विगतमा थाहा छ आफन्तलाई माफी दियौ ज्यानखतमा थाहा छ तिमी त छेपारालेझैँ रङ फेरिरहन सक्छौ नि हगि ? मनपरी छ तिम्रो सहिदको बिरासतमा थाहा छ ।
कृष्णप्रसाद गौतम :
१.
हाम्रा बारीमा लसुन फल्छ, तिम्रा बारीमा सुन फल्छ हैन र
औषधी पाइन्न बजारमा मकै-भकारीमा घुन फल्छ हैन र
निर्धाको सुदिन कहिले आउला हजुर ! अब भनिदिनु पर्यो
आणविक भट्टीमा डलर फल्छ अधिकार खोज्दा खुन फल्छ हैन र !
२.
के गर्यौ के गरेनौ तिमीले विगतमा थाहा छ
आफन्तलाई माफी दियौ ज्यानखतमा थाहा छ
तिमी त छेपारालेझैँ रङ फेरिरहन सक्छौ नि हगि ?
मनपरी छ तिम्रो सहिदको बिरासतमा थाहा छ ।
३.
मौका हेरी यताबाट उता सरिन्छ उताबाट यता सरिन्छ कसले के गर्छ
अब्बल खेलाडी परियो, माछो माछो भ्यागुत्तो गरिन्छ कसले के गर्छ
जुट गुट फुट मिसिएको छ रगतैभरि हाम्रो; तिमीले भनेर भयो ?
जसरी भए पनि तल बसिन्न, सत्तामाथि नै परिन्छ, कसले के गर्छ ?
०००
इटहरी-५, सुनसरी
Subscribe
Login
0 Comments
Oldest
