रेहित सैजुउजुरी थिएन
मुद्दा पेश गर्छ छोराले अंश नपाउँदामा वृद्धाश्रममा बाआमाको कुनै उजुरी थिएन ॥
रेहित सैजु :
यी सबै त भनिराख्न कुनै जरुरी थिएन ।
बुझ्नु पर्ने हो त उसले भुराभुरी थिएन ॥
छियाछिया पार्यौ मुटु अचानोझैँ बनायौ
वचनले नै हिर्कायौ त्यहाँ खुकुरी थिएन ॥
मुद्दा पेश गर्छ छोराले अंश नपाउँदामा
वृद्धाश्रममा बाआमाको कुनै उजुरी थिएन ॥
हो त ऊ इमान्दार अनि सत्यवान लाग्दथ्यो
ढुङ्गाझैँ कठोर भएछ यति निष्ठुरी थिएन ॥
यी सबै त भनिराख्न कुनै जरुरी थिएन ।
बुझ्नु पर्ने हो त उसले भुराभुरी थिएन ॥
०००
रामेछाप हाल भक्तपुर
Subscribe
Login
0 Comments
Oldest
