नेपाली हास्यव्यङ्ग्य अनलाइन पत्रिका

नीलहरि काफ्ले :

तर्सन्छु कि कालो रातमा जून भएर आऊ !
हर घडीमा चम्की दिने सुन भएर आऊ !!

आच्छु भए हातपाउ मनमा पस्यो चिसो !
धड्कन न्यानो बनाउन ऊन भएर आऊ !!

सिरिङ् सिरिङ् हुन्छु कैले के के ध्वनि सुन्छु !
सुर दिने बाँसुरीको धून भएर आऊ !!

मित्र सबै बसाईं सरे शत्रु कै छु साथमा !
त्यसको मगज धुल्याउने घुन भएर आऊ !!

आऊ छिट्टै आऊ तिमी पुकार्दै छु मैले !
पीडा पुछी हाँसो छर्ने गुन भएर आऊ !!

०००
सिन्धुली, हाल काठमाडौं