नेपाली हास्यव्यङ्ग्य अनलाइन पत्रिका

नीलहरि काफ्ले :

जो सत्यता थाहा छ तैंले ढाँटे हुन्छ के ?
लेख्न तेरो कहानी मैले आँटे हुन्छ के ?

ठेली तयार हुँदैछन तेरा हर्कतहरुका
दाम राखेर जोसँग गुहार मागे हुन्छ के ?

पाप नराखे मनमा पुण्य मिल्थ्यो अवश्य
त्यो पत्थरको मुर्तिमा फूल राखे हुन्छ के ?

कि जान्नु रे आफैंले नत्र मान्नु भनेको
मन भित्रको कुनीति आफैं त्यागे हुन्छ के ?

कस्को भोग कति छ टुङ्गो हुन्छ जन्मँदै
सुनकै कुम्लो बोकेर जहाँ भागे हुन्छ के ?

०००