हृषीकेश बरालढाल्न सक्छु
कमजोर ठान्छ जसले देखाउने छु तागत मौका परे जुरुक्कै धर्ती उचाल्न सक्छु ।
हृषीकेश बराल :
लाभा बनेर मैले आगो निकाल्न सक्छु
आगो भएर सारा पत्थर पगाल्न सक्छु ।
वैरीहरू कसैले सानो भनी नहेप्नू
मुड्की कसेर हानी पहरो फुटाल्न सक्छु ।
होचो छ कद नभन्नू अग्लिन्छु व्योमसम्म
चाहेँ भने धरामैं तारा झराल्न सक्छु ।
कमजोर ठान्छ जसले देखाउने छु तागत
मौका परे जुरुक्कै धर्ती उचाल्न सक्छु ।
अन्यायमा मलाई पार्यो भने कसैले
राँको भएर पोल्दै एकेक ढाल्न सक्छु ।
०००
पोखरा -२६, कास्की ।
Subscribe
Login
0 Comments
Oldest
