मरुभूमि नारायणतान्ने धेरै भए
मेरो देशको विकास हुन त्यो छिमेकीले दिदैन गर्व लाग्छ यहाँ छिमेकीकै काँध धान्ने धेरै भए ।
मरुभूमि नारायण :
भूइँमा लडाउने थोरै छन् खुट्टो तान्ने धेरै भए
त्यै तानेको खुट्टोमा नि बन्चरो हान्ने धेरै भए ।
भेडैभेडा भाको देश यो गिद्धैगिद्ध भाको देश
तेही भेडा र गिद्धलाई भगवान मान्ने धेरै भए ।
पढेलेखेका मूर्ख मान्छेलाई खाडीमा धकेलेर
यहाँका वृद्ध बाँदरहरू आफै जान्ने धेरै भए ।
नराम्रै मान्छेको भविष्य उज्जल छ यै देशमा
पापीकै बहुमत छ राम्रो मान्छे छान्ने धेरै भए ।
खाएर विदेशीको लादी पचाएर तिनकै डलर
आफूलाई छोटे राजा नेपालको ठान्ने धेरै भए ।
स्वास्नी खाडीमा लोग्ने झाडीमा यो उखान हो
पैला थिएनन् लोग्ने अहिले घर धान्ने धेरै भए ।
मेरो देशको विकास हुन त्यो छिमेकीले दिँदैन
गर्व लाग्छ यहाँ छिमेकीकै काँध धान्ने धेरै भए ।
सितैमा पाए अलकत्रा कहाँ खान्छ र मान्छेले ?
बुझ्नु सुझ्नु छैन मासुमा जिम्बू झान्ने धेरै भए ।
०००
रानीगाउँ, तनहुँ
Subscribe
Login
0 Comments
Oldest
