नेपाली हास्यव्यङ्ग्य अनलाइन पत्रिका

दुर्गा रिमाल :

जब हूल के भयो, सब स्वार्थमा डुबे
मन भै अशान्तको अब मार्ग नै भुले
लुटमारतन्त्रको, जन चाप्लुसी भयो
मति शिष्ट छैन है मति भ्रष्ट को भयो ? ॥१

जनता लडेर नै जब न्याय माग्छ यो
तर छैन न्याय यो जन तामसी भयो
भरिपूणर् छैन है अनिकाल पो भयो
छ दशा चले यहाँ मति भ्रष्ट को भयो ॥२

अबको समाजमा समता हटे भयो
जनको दिमागमा ठगनै ठगी भयो
धनको हिसाबले जन मासिने भयो
मनु बन्छ आसुरी मति भ्रष्ट को भयो ॥३

सब मान र्कीर्तिको, मन साधुको थियो
तर खट्छ दानवी मदको जुधाइको
दिन रातमा उही, दिन लाग्नु नै थियो
मनमा अशान्त भै मतिभ्रष्ट को भयो ॥४

घरमा बसी बसी दिल सान्त्वना थियो
करमा परी मुना कर भारमा भयो
अबला म तातिएँ जन क्रान्तिको भयो
घरको नजा दशा मतिभ्रष्ट को भयो ?॥५

०००
कलङ्की, काठमाडौं