दुर्गा रिमाल अधिकारीइतिहास कि बितियाँस ?
किराँतकालदेखि अद्यसम्म हाम्राे इतिहास संस्कृति कि विकृति हाे ? पार्याै बितियाँस विश्व थर्काउने हिजाे हाम्रै थिए पुर्खा आज खाडी पुगेका छन् बेची बारी सुर्का ।
दुर्गा रिमाल अधिकारी :
नाना छैन भन्दै सानी स्कूल पनि जान्न
भोको पेट रुन्छे उसलाई खानेकुराे छैन
छोराछोरी पाल्न पनि जानुपर्छ खाडी
हाम्रा नेता चड्छन् किन कराेडका गाडी ?
न्याय निसाफ खोज्न चाहिँ जानुपर्ने गोरखा
भातमारा बनेका छन् नेता जति बोक्रा ?
किराँतकाल, लिच्छवी र मल्लकाल गए
पुर्खा हाम्रा पाैरखीले पाैरख पाेख्या थिए ।
प्रजातन्तत्र आयो भन्याैँ खै त कस्लाई आयाे ?
लोकतन्त्र आयो भन्याैँ तर नेतातन्त्र आयाे ?
खालि स्वार्थ लाेभैले पाे भर्छ आफ्नो झोली
भुइँ जनता भुइँमै छन् उस्कै ठूलाे बोली ।
राम्रो काम गरेदेखि कल्ले हल्लाउँछ
घूसखोरी नेतामात्रै किन मौलाउँछ ?
किन हाेला विदेशीकै बनिराकाे पुच्छर
राता गाला भ्रष्टचाला कति साह्राे दुच्छर ?
किराँतकालदेखि अद्यसम्म हाम्राे इतिहास
संस्कृति कि विकृति हाे ? पार्याै बितियाँस
विश्व थर्काउने हिजाे हाम्रै थिए पुर्खा
आज खाडी पुगेका छन् बेची बारी सुर्का ।
०००
कलङ्की, काठमाडाैं
