नेपाली हास्यव्यङ्ग्य अनलाइन पत्रिका

दुर्गा  रिमाल अधिकारी :

१) निसाफ हुन्न क्वै गरी विवाद उठ्छ बातमा
निकाल स्वार्थका कुरा निदान हुन्न आँतमा
बतास चल्छ सुस्तरी कपास झैं उडे हुरी
बनेर दर्दका कुरा खेलीरहे मनै भरि ॥

२) विराम रामले गरे तसर्थ छाैँ बिछोडमा
हराम राम भै गयो समस्त अस्त तोडमा
शिकार गर्छ त्यै खुनी विकार पार हुन्न भो
चुँडेर लग्छ जीवनी अशक्त शक्त झैं हियो ॥

३) बुबा भनी पुकारियो विलाप बास शून्यता
शिरानमा थियो चिता शरीर अन्त्य उष्णताा
अचेत चेत भावमा भिरेर रुद्र अक्षमा
कुमाल माल चालको उचाइलो निधारमा ॥

४) पराग रागमा जले उराठिलो मसानमा
अडेग डेग हुन्न भो सुहाउँदैन मूर्च्छना
अकाल काल आँशुमा नुहाउँदैछ हुण्डरी
विवाद गर्छ पिण्डले शिरान आड पाखुरी॥

५) हिमाल माल कालमा अकाल हुन्छ जीवनी
बनेर पत्थरी मुना कडा बनेछ सोधनी
डसेर लान्छ कालले थियो सुधा अझै पनि
बनेर कल्प वृक्षले मिलाउँदोछ साध्विनी॥

०००
कलङ्की, काठमाडाैं