नेपाली हास्यव्यङ्ग्य अनलाइन पत्रिका

दुर्गा रिमाल अधिकारी

(१)
फालौं कि मैलो रिसराग छोडी
मानौं कि च्यातौं परद्रोह कामी
छोड्दैन भिन्नै बल जाग्छ चर्को
बोल्दै नबोल्ने तर बात झर्को ॥

(२)
आकाश गंगा सविता नुहाए
आफैं अवेला तप गर्न लाए
छोड्दैन पापी वशका पछाडि
गम्कन्छ आफैं रिसले पछारी ॥

(३)
बन्दैन प्यारो सब सामु लड्छ
माग्दैन माफी रिसले दगुर्छ
सन्तान पापा सँग मेल खान्न
कुर्दैन बाबा रिस छाड्न भिन्न ॥

(४)
रोपेर आफैं बलको घमण्डी
आलोचनाको वशमाथि धम्की
ऊ पत्नि मात्रैसँग लड्न हैन
दोषी छ आफैं धरणी बिगार्न ॥

५)
खेल्दो छ कालो रिसले परेड
भन्दोछ आफैं विष खान्न धेर
आफैं लछारो रिसको पसारो
आफैं छ आफै शत्रुको पसारो

६)
गर्दोछ हेला रिस अन्य माथि
भन्दोछ मेरो गफ हुन्न साक्षी
लम्की र धम्की अरुमा गरेर
ऊ चाल्छ व्यर्थै रिस घूस खोर ॥

०००
कलङ्की, काठमाडाैं