नेपाली हास्यव्यङ्ग्य अनलाइन पत्रिका

दिव्य गिरी :

१.
पढ्न नसकेर के भो ? मेरो भाषण जमेकै छ
मन नपरेर के भो ? मेरो आसन जमेछै छ
भाग्यमा लेखेर ल्याउनु पर्छ मोजमस्ती गर्न
यहाँ दसकौँदेखि मेरो शासन जमेकै छ ।

२.
यहाँ भाइ भाइ फुटाएर राजनीति गर्न पाइन्छ
यहाँ जाति जाति जुधाएर राजनीति गर्न पाइन्छ
यो भन्दा अर्को सजिलो उपाए अर्को केही छैन
यहाँ झोले झो‍ले जुटाएर राजनीति गर्न पाइन्छ ।

३.
दसकौँदेखि सत्ताकै निम्ति अपहत्ते गर्नेको ताल हेर
म यो देशलाई सिङ्गापुर बनाउँछु भन्नेको चाल हेर
फिस्टोक‍ो खुट्टा हेर्दै था हुन्छ बाँस तल कति नुहिन्छ
कुर्सीको लागि आफू आफैमा झडप हुँदाको बबाल हेर ।

४.
यहाँ जात्रा छ, जहिलेसुकै जात्रा छ
सडकमा, सदनमा जहाँसुकै जात्रा छ
जात्रा नभएको त्यस्तो कुनै दिन छैन
यहाँ आज पनि जात्रा छ, गाईजात्रा छ ।

५.
दूधको साक्षी ढाडे भएपछि के लाग्छ ?
आफ्नै साथी गाँडे भएपछि के लाग्छ ?
जसलाई विश्वास गरे नि धोका पाइने
कानुन निर्माता साँढे भएपछि के लाग्छ ?

०००
ललितपुर