नेपाली हास्यव्यङ्ग्य अनलाइन पत्रिका

स्याङ्जा, २०८० फागुन ४ । जगत्रदेवी साहित्य सङ्गम, गल्याङ, स्याङ्जाको आयोजनामा काव्यकृति विमोचन, स्रष्टा सम्मान तथा काव्य गोष्ठी गल्याङ नगरपालिका- ३ स्थित गल्याङ बहुमुखी क्याम्पसको सभाहलमा सम्पन्न भएको छ ।

सङ्गमका कार्यवाहक अध्यक्ष अग्रज कवि चण्डिकाप्रसाद भट्टराईको अध्यक्षतामा भएको उक्त समारोहमा प्रमुख आमन्त्रित व्यक्तित्वको रूपमा गल्याङ नगरपालिका प्रमुख गुरुप्रसाद भट्टराई रहनु भएको थियोे । विशिष्ट आमन्त्रित व्यक्तित्वको रूपमा वरिष्ठ साहित्यकार डा. विप्लव ढकाल, वरिष्ठ गजलकार जीवनपानी, गल्याङ नगरपालिका उप प्रमुख हेमा न्यौपाने, डा. पद्मा अर्यालको उपस्थिति रहेको थियोे ।

समारोहमा कवि चण्डिकाप्रसाद भट्टराईको पहिलो एकल कृतिको रूपमा प्रकाशित भएको कविता कृति “आँखीझ्याल” को विमोचन गरिएको थियोे । विमोचन गरिएको कृतिको बारेमा समीक्षक जीवनपानी र डा. विप्लव ढकालले समीक्षात्मक टिप्पणी प्रस्तुत गर्नुभएको थियोे ।

सङ्गम परिवारको तर्फबाट स्थापना गरिएको जगत्रदेवी साहित्य सम्मान – २०८० जगत्रदेवी साहित्य सङ्गमका संस्थापक अध्यक्ष अग्रज साहित्यकार सूर्यप्रसाद डुम्रेलाई समर्पण गरिएको थियोे । सम्मानित व्यक्तित्वको बारेमा मिलन समीरले प्रकाश पारेका थिए ।

समारोहमा कविहरु हरिप्रसाद भट्टराई, लेखनाथ काफ्ले, वसन्त खनाल, भीम न्यौपाने, खगेन्द्रजङ्ग थापा, वसन्ती अधिकारी, कला पाठक, सिर्जना खनाल, प्रवेश अर्याल, ध्रुवप्रसाद शर्मा पङ्गेनी, सुर्यप्रसाद डुम्रेद्वारा आफ्ना उत्कृष्ट कविता , गजल र मुक्तक रचनाहरु वाचन गरिएको थियोे ।

समारोहमा स्वागत मन्तव्य लीलाबल्लौ अर्यालले प्रस्तुत गरेका थिए भने सहजीकरण मिलन समीरले गरेका थिए ।

०००
– मिलन समीरद्वारा संप्रेषित