नेपाली हास्यव्यङ्ग्य अनलाइन पत्रिका

हेटाैँडा, ०८१ असार ८ । साहित्य सङ्गम मकवानपुरले डा. गणेशकुमार पौडेल र गोविन्द खड्काको स्मृतिविशेष साहित्य सन्ध्या सम्पन्न गरेको छ ।

शनिबार साहित्य सङ्गम तथा सिस्नुपानी नेपालको आफ्नै हलमा सञ्चालित कार्यक्रममा साहित्य सर्जकहरूलाई सम्झँदै रचना वाचन कार्यक्रम सम्पन्न गरिएको हो ।

कार्यक्रममा सुबास सजल, देवराज तिवारी, राजकुमार चौधरी, ऋषिराम आचार्य, जनार्दन खनाल, मिथिला अधिकारी, राजुराम राउत, सानुभाइ विश्वकर्मा लगायतले रचना वाचन गर्नु भएको थियो ।

मौनधारण गर्दै सुरु भएको कार्यक्रममा स्वर्गीय पौडेल र खड्काद्वारा रचित केही रचनाहरू समेत वाचन गरिएका थिए । कार्यक्रममा मुना धिताल, देवराज खरेल, निमेष निखिल, छवि अनित्य, राजकुमार लामिछानेलगायतको उपस्थिति रह्यो ।

आरसी रिजालको प्रमुख आतिथ्यतामा आयोजित कार्यक्रमको अध्यक्षता सङ्गमका अध्यक्ष डीबी बर्तौलाले गर्नु भएको थियो । सङ्गम उपाध्यक्ष सानु खनालले स्रष्टा परिचय र स्वागत गर्नु भएको कार्यक्रमलाई सचिव मनोज पोखरेलले सहजीकरण गर्नु भएको हो ।

०००
– संप्रस पाैडेलद्वारा संप्रेषित