फित्काैली डटकमस्रष्टा राधेश्याम लेकाली गुञ्जन साहित्य पुरस्कारद्वारा पुरस्कृत
प्रमुख अतिथि साहित्यकार एलबी क्षेत्री, वरिष्ठ कवि द्वारिका श्रेष्ठ र वरिष्ठ सर्जक नरेन्द्रबहादुर श्रेष्ठले नगद दश हजारसहित सो सम्मान लेकालीलाई प्रदान गर्नुभएको हो ।
काठमाडौं, २०८१ कार्तिक ५ । गुञ्जन (नारी साहित्यिक संस्था) ले साहित्यकार राधेश्याम लेकालीलाई “गुञ्जन साहित्य पुरस्कार २०८०” बाट सम्मानित गरेकाे छ ।
गुञ्जनकी अध्यक्ष जलेश्वरी श्रेष्ठको सभापतित्वमा आयोजित कार्यक्रममा प्रमुख अतिथि साहित्यकार एलबी क्षेत्री, वरिष्ठ कवि द्वारिका श्रेष्ठ र वरिष्ठ सर्जक नरेन्द्रबहादुर श्रेष्ठले नगद दश हजारसहित सो सम्मान लेकालीलाई प्रदान गर्नुभएको हो ।
कार्यक्रममा प्रमुख अतिथि साहित्यकार एलबी क्षेत्रीले “नारीवाद” विषयमा आफ्नो धारणा राख्नुभएको थियो ।
संस्थाकी महासचिव सुस्मिता नेपालले सञ्चालन गर्नुभएको कार्यक्रममा साहित्यकारहरूको बाक्लो उपस्थिति रहेको थियो ।
०००
Subscribe
Login
0 Comments
Oldest
