नेपाली हास्यव्यङ्ग्य अनलाइन पत्रिका

चितवन २०८१ फागुन १० । भैरव वाङ्मय प्रतिष्ठानले २०६८ सालदेखि नियमितरूपमा प्रदान गर्दै आएको “भैरव वाङ्मय स्मृति पुरस्कार” यस वर्ष (२०८१ ) कवि तथा आख्यानकार चिरञ्जीवी दाहालको आत्मकथा “मुमूर्षा” कृतिलाई‌ प्रदान गरेको छ ।

आज एक समारोहका बीच चितवन साहित्य सङ्गमका अध्यक्ष तथा प्रमुख अतिथि प्रकाश चापागाई, कार्यक्रमका सभापति रविन्द्र पौडेल, भैरव वाङ्मय प्रतिष्ठानका अध्यक्ष प्रा.कपिल अज्ञात र विशिष्ट अतिथि बाबुराम पाण्डेले संयुक्त रुपमा “मुमूर्षा” कृतिका स्रष्टा दाहाललाई दोसल्ला, फूल माला र दश हजार एक रुपैयाँ नगद सहित सम्मान पत्र प्रदान गरेका थिए ।

उक्त कार्यक्रममा दाहालको पुरस्कृत कृति ” मुमूर्षा” को विषयमा प्रा. कपिल अज्ञात र केशवराज आमोदीले प्रकाश पारेका थिए ।

सो कार्यक्रममा महाकाव्यकार केशवराज आमोदी, प्रा.डा कर्ण बानियाँ, पूर्व क्याम्पस प्रमुख गोकर्ण मल्ल, गीतकार मुकुन्द पौडेल , कवि गणेश शर्मा पौडेल ’चन्दन’, सह प्राध्यापक पूर्णप्रसाद अधिकारी, साहित्यकार बाबुराम घिमिरे, साहित्यकार सिर्जन लम्साल, समालोचक मणि काफ्ले, गजलकार किसान प्रेमी, गजलकार रुविन पौडेल, कमला दाहाल लगायतले आ-आफ्नो मन्तव्य दिनुका साथै रचना वाचन समेत वाचन गरेका थिए ।

कार्यक्रममा बोल्दै प्रमुख अतिथि प्रकाश चापागाईले दाहालको यो कृतिले हरेक पाठकको मन छुन सफल रहेको र दाहालको “बाघेझापु” हास्यव्यङ्ग्य कृति पनि उत्तिकै बेजोड रहेको विचार व्यक्त गरेका थिए ।

कार्यक्रमको सहजीकरण सह प्राध्यापक पूर्णप्रसाद अधिकारीले गरेका थिए ।

०००